疫苗 打唔打？
打，不過...
1. 係呀！打疫苗就梗係好過自然療法啦！自然療法有效就無人要睇醫生啦！自然療法、求神拜佛就可以身體健康，咁醫生應該無得撈，無理由年年狀元都話想做醫生，唔係去做術士。
2. 想打？你有無好似有錢人或者醫生專家咁，年年做身體檢查，知道自己身體健唔健康，有無暗病。
如果有暗病唔知，以為自己好打得，咁就有機會自己其實唔適合打疫苗而不自知，最後出事嫁麻！
3. 無年年做身體檢查咁點算呢？睇定啲先囉！落街買餸你都貨比三家，睇下個豬肉佬個樣信唔信得過，格價，睇下啲豬肉新唔新鮮，質素好唔好先再決定。家下先得兩家疫苗俾你打，你梗係等埋第三家，睇定啲邊間口碑好，邊間少副作用先做決定啦！
4. 打疫苗唔係你一個人嘅事，仲會係你成家人嘅事。你打左無事，定有事，都會係你同你身邊嘅人一齊承受。你自己嘅身體自己話事，但你有咩後果往往係身邊嘅人幫你處理。
5. 打梗係好過唔打，但前題係打左無事呀麻！如果打左有事，咁就梗係唔打好過打。減肥好，但減肥搞到營養不良，或者厭食就唔好。跳笨豬跳好開心，但點解笨豬跳跳之前要簽生死狀，責任自理呀！因為危險呀！連幫你個個都唔敢包實無事呀。
最後，都係個句，小心駛得萬年船。依家打左一樣要戴口罩，一樣要隔離，一樣無得聚集，一樣無得去旅行，急咩呢？
睇定啲先啦！一陣好似啲災難電影咁，打左變喪屍咁點算呢~
Search